OR Diaries

Tagal ko nawala. Naghibernate kasi ako. Kakapagod kasi magduty eh. Tsaka lablyp. Wehehehe.

Anyway, sa operating room ng V.Luna naman kami na-assign ngayon. Graveyard shift. 11pm-6am. Nyemas. Akala ko masaya yun kasi last semester, na-aasign na rin ako sa isang graveyard shift na duty. Masaya lang pala kung sa lying-in kasi gabi-gabi eh may nanganganak. Sa operating room, parang ghost town. At kami ang mga multong hindi matahimik dun. Wala kasing pasyente. Syempre naman, sino bang mag-schedule ng operasyon ng madaling araw. Kaya ang inaasahan namin dun eh yung mga emergency cases. Eh wala naman. Kaya nung first night ng duty namin. Nag tong-its lang kami. Wehehe.

Eto ang masaya, kagabi, may naabutan kaming ongoing na operation. Craniotomy, excision of cerebral tumor. 2pm sila nagstart, at patapos pa lang sila nung dumating kami. Dahil naimpress samin yung staff at nagexert kami ng effort magscrub kahit patapos na at wala pa kaming clinical instructor, binigay na sa amin yung case. Circulating nurse ako. Wehehe.

Grabe. Nung una, hindi ko akalaing ulo yung inooperahan nila. Kala ko tiyan. Kung hindi ko lang alam na craniotomy yun. Tsaka naka-angla pa yung ulo nya. Parang ang sakit yata nun. Buti na lang under genral anesthesia sya. Wehehehe. Syempre may mga pics. Dalawa lang. Wehehe. Sterile kasi sa OR eh. Tasteless na kung tasteless, Pauli. Ehnongayon? Wehehe. Taken with my classmate's K700i. Kaya maliit lang. Enjoy.


Ang masama, dumating yung clinical instructor namin. At binawi yung case na binigay na samin nung staff. Hindi daw namin time yun kasi 2pm pa daw nagstart. Kakainis. Isang oras din akong tumayo dun sa loob ng operating room.

After that, wala na naman kaming ginawa, pero wala namang makatulog sa amin. Nagkwentuhan na lang kami. Anim na oras. Wehehe. Mula sa mga white, black at red ladies hanggang sa mga jokes na pang grade school, sa secret marriage nina Kristine at Diether, sa mga nude pics ni JV Villar, balik sa tikbalang, tiktik at engkanto, at kung paano ipapasok ang elepante sa loob ng ref in three steps.

Sana next week, magkapasyente na kami. Huhuhu.